नवलपुरमा मादकपदार्थ सेवन गरी मोटरसाइकल चलाउदा दुर्घटना, एकजनाको मृत्यु

गैँडाकोट,८ चैत । पूर्वी नवलपरासीमा भएको मोटर साईकल दुर्घटनामा परी एक जनाको मृत्यु भएको छ भने अरु २ जना घाइते भएका छन् । मोटरसाइकल सवार रहेकाहरुले मादकपदार्थ सेवन गरेको प्रहरीले जनाएको छ ।

दुर्घटनामा परी घाइते मोटरसाईकल पछाडि सवार मध्यबिन्दु नगरपालिका ११ बस्ने ३० बर्षीय अनिल बिक उपचारको क्रममा गएराति निधन भएको हो ।

राति १ बजेतिर मध्यविन्दु ११ दमार चोक स्थित भित्री सडक खण्डमा दमारबाट तमासपुरतर्फ आउँदै गरेको लु ७६ प १६२१ नम्बरको मोटरसाइकल चालकले नियन्त्रण गुमाई मोटरसाईकल दुर्घटना भएको हो ।

त्यसैगरी दुर्घटनामा परी मध्यविन्दु ११ निवासी २५ बर्षीय अझै ठकुरी र मोटरसाईकल चालक २८ बर्षीय कृष्णबहादुर बिक घाईते भएका छन् । उनीहरूको मध्यविन्दु अस्पतालमा उपचार भईरहेको छ ।