विपद् आउँदा स्काउटले खेलेको भूमिका सम्मान योग्य छ : पूर्वराष्ट्रपति भण्डारी

काठमाडौं,५ असार । पूर्वराष्ट्रपति विद्यादेवी भण्डारीले मुलुकलाई अप्ठेरो पर्दा नेपाल स्काउटले खेलेको भूमिकाको प्रसंसा गरेकी छिन् । मंगलबार काठमाडौंमा स्काउटको ७२ औं स्थापना दिवसको अवसरमा आयोजित कार्यक्रममा पूर्वराष्ट्रपति भण्डारीले कोरोना महामारी देखि प्राकृतिक बिपत्तीमा स्काउटले खेलेको भूमिका महत्वपूर्ण रहेको भन्दै प्रसंसा गरिन् ।

उनले कोरोना महामारीका बेला चिकित्सक परामर्श सेवा, क्यारेन्टीन निर्माण र शव व्यवस्थापनमा समेत गरेको सहयोगप्रति सम्मान व्यक्त गरिन् । सातै प्रदेशमा दक्ष विपत व्यवस्थापन टोली गठन भइ विपद प्रतिकार्यमा परिचालन भएको जानकारी पाउदा हर्ष लागेको उनले बताइन् ।

उनले समाज रुपान्तरणमा युवा स्काउटले खेलेको भूमिकाले युवाहरुलाई सही दिशा देखाउन सफल भएको जिकिर गरिन् ।