आईसीसी विश्वकप छनोट : जिम्बाब्वेसँग नेपाल भिड्दै

काठमाडौं,३ असार । आइसिसी एकदिवसीय विश्वकप क्रिकेट छनोट आइतबारदेखि जिम्बाब्वेमा सुरु हुँदैछ । प्रतियोगिताको उद्‍घाटन खेलमा नेपाल र आयोजक जिम्बाब्वे भिड्दै छन् ।

नेपाली समय अनुसार खेल जिम्बावेको हरारे स्पोर्टस् क्लबमा दिउँसो १२ः४५ बजेदेखि सुरु हुँदैछ।

अहिलेसम्म नेपाल र जिम्बावेले एउटा मात्र एक दिवसीय खेल खेलको छन् । २०१८ मा जिम्बावेमा नै आयोजना भएको विश्वकप छनोट खेलमा नेपाल र जिम्बावेबीच प्रतिस्पर्धा भएको थियो ।

आजको खेल जितेर सुखद् सुरुवात गर्ने लक्ष्य नेपालको रहेको छ। जिम्बावेलेसमेत घरेलु मैदानमा हुनलागेको विश्वकप छनोटमा सुखद् सुरुवात गर्ने लक्ष्य लिएको छ।