गुञ्जनगर,३० जेठ । पश्चिम चितवनको गुञ्जनगरमा एडभान्स सिलाइ कटाई तालिम समापन भएको छ । भरतपुर महानगरपालिकाको आयोजना तथा भुमिका टेक्नीकल सर्भिस प्रा.ली देबचुली २ नवलपरासीको प्राबिधिक सहयोगमा संन्चालित मेयर सँग उद्यमशिलता तालिम अन्र्तगत ३० दिने एडभान्स सिलाई कटाई (टेलरिङ्ग) तालिमको आज भरतपुर १८ को सभाहल समापन सम्पन्न भएको छ ।
भरतपुर महानगर प्रमुख रेनु दाहालको प्रमुख आतिथ्यमा कार्यक्रम सम्पनन भएको हो । तालिम समापनमा बोल्नु हुर्दै प्रमुख दाहालले भरतपुर १८ मा रहेका महिलालाई आत्मानिर्भर बनाउनका लागी सिलाई कटाई तालिमको सुरुवात गरिएको बताउनुभयो ।
देशका जनशक्ति विदेशिने क्रम बढिरहेको हुदाँ यसलाई न्युनिकरण गर्न यस किसिमको तालिमको आवश्यकता भएको बताउनु भयो । महानगरमा उद्यमशिलता तालिम हुनु गौरवको विषय भएको बतानु हुर्दै वडामा फेरी पनि यस्तो तालिम सञ्चालन भएमा वडा र आफ्नो व्यक्तिगत तर्फबाट सक्दो सहयोग गर्ने भरतपुर १८ का वडा अध्यक्ष बावुराम रानाले बताउनु भयो । एक महिना सम्म सिकेको सिपलाई जिवनमा लागु गर्न वडा अध्यक्ष रानाले आग्रह गर्नुभयो ।
मानिसलाई सिपले स्वरोजगार बनाउने बताउँदै श्रम र सिपले आय आर्जन गर्न सकिने भएकाले सिप हुने मानिस जहिले पनि समाजमा सम्मानित हुने वडा अध्यक्षले बताउनु भयो । २२ जनाले तालिम लिनु भएको थियो । प्रशिक्षर्थीहरुलाई आशा बोहोराले प्रशिक्षण दिनुभएको थियो भने भुमिका टेक्नीकल सर्भिस प्रा।लीकी निर्देशक दिपा देबकाटाले कार्यक्रमको सहजीकरण गर्नुभएको थियो ।
Discussion about this post