यस वर्ष मलको अभाव नहुने

काठमाडौँ,२९ जेठ । कृषि विभागका महानिर्देशक डा गोविन्द शर्माले यस वर्ष मलको अभाव नहुने बताएका छन् ।

सोमबार धान मकै र गहुँबालीको लागि स्थान विशेष मलखाद सिफारिस सम्बन्धी प्रविधि विमोचन तथा पत्रकार सम्मेलनमा महानिर्देशक शर्माले अहिले उपलब्ध मल प्रदेशलाई बाँडफाँड गर्न सहज रहेको बताए ।

उनले भने, ‘यो वर्ष लामो अभ्यास र अनुसन्धान पछि समयमा सबै कुराहरू व्यवस्थापन गरेर गत वर्षको बजेट १५ अर्ब मात्र थियो । जुन पर्याप्त थिएन । पछि हामीले लबिङ गर्यौ । त्यसपछि सरकारले १६ अर्ब बजेट दिएको थियो । र, यो वर्ष टेन्डरमा भएको मल कुनै पनि ब्लक भएको छैन् । आएको मल प्रदेशलाई बाँडफाँड गर्न सहज भएको छ ।’