दुधौली,२३ जेठ । लामो समयसम्म खडेरी परेपछि दुधौली नगरपालिका–४ डकाहामा पानी पार्न भ्यागुताको विवाह गरिएको छ । खडेरीले अन्नबाली सुक्न थालेपछि स्थानीयले भ्यागुतोको विवाह गरिदिएका हुन् ।
लामो समयदेखि खडेरी परेकाले अन्नबालीसमेत सुक्न थालेपछि भ्यागुतको विवाह गरेमा पानी पर्छ भन्ने जनविश्वासले भ्यागुतोको विवाह गरिदिएका हुन् । ब्राह्मणहरूले वैदिकमन्त्र पाठ गरी रुद्रीपूजा गरी एक जोडी भ्यागुताको धुमधामसँग विवाह गरिदिएका छन् ।
लामो समयसम्म पानी नपरेका कारण रुद्रीपूजा आयोजना गरी भ्यागुतोको विवाह गरिदिएको स्थानीय थानेश्वर काफ्लेले बताए ।
स्थानीयमा वैदिक मन्त्र पढी भ्यागुतोको जोडीको विवाह गरिदिएमा पानी पर्ने जनविश्वास रहेकाले करिब तीन–चार घन्टासम्म होमहोमादी गरी भ्यागुतोको जोडीको विवाह गरेको उनको भनाइ छ ।
![Khabar_Chitwan[1]](https://khabarchitwan.com/wp-content/uploads/elementor/thumbs/Khabar_Chitwan1-q32yg33ry1w93hxhgrek6ezhfe8djapkiva3mjsb32.png "Khabar_Chitwan[1]")
Discussion about this post