Advertise here

सेक्सलाई खेलको मान्यता दिइएको भन्ने इन्टरनेटमा भाइरल समाचार झुटो !

खबर चितवन

खबर चितवन

काठमाडौं,२२ जेठ । केही दिनयता सामाजिक सञ्जाल र अनलाइन सञ्चारमाध्यममा ‘स्विडेनमा सेक्सलाई खेलको मान्यता’ दिइएकाे भन्दै  राखिएका समाचार भाइरल छन् । फेसबुक, ट्वीटर, टिकटक लगायतका सामाजिक सञ्जाल प्रयोगकर्ताले उक्त समाचारलाई आफ्नै तरिकाले विश्लेषण गरेका छन् ।

त्यस्तै केही मिम पेजहरूबाट यो समाचारलाई ट्रोल गरिएको छ । तर, विभिन्न चर्चित अनलाइन पोर्टलहरूले राखेको यो समाचार भने भ्रामक भएको पाइएको छ ।

विश्वमै पहिलो पटक यस्तो प्रतिस्पर्धा हुन लागेको भनेर राखिएको समाचारलाई नाम चलेका अन्तर्राष्ट्रिय सञ्चारमाध्यमले प्रकाशन गरेका छैनन् । यसबाट पनि यो समाचार भ्रामक भएको आशंका गर्न सकिन्छ ।

नेपाल तथ्यजाँचले पनि विभिन्न आधारलाई औंल्याएर यो समाचार भ्रामक भएको पुष्टि गरेको छ । अधिकांश भारतीय सञ्चारमाध्यमले उक्त समाचारलाई कुनै पनि आधिकारिक वा विश्वसनीय स्रोत नराखी समाचार प्रकाशन गरेका छन् ।

यो प्रतिस्पर्धा स्विडेन हुन लागेको भनिएको छ । तर, सो देशका स्थानीय सञ्चारमाध्यमले पनि यसबारे कुनै समाचार राखेका छैनन् । यसो त गत जनवरीमा ड्रागन ब्राटिक नामका व्यक्तिले सेक्सलाई खेलको रूपमा वर्गीकरण गर्न त्यहाँको राष्ट्रिय खेल महासंघमा निवेदन दिएका थिए । जसका लागि उनले स्विडिश सेक्स फेडेरेसन नामको संस्था समेत दर्ता गरेका थिए ।

तर, महासंघका अध्यक्ष ब्योर्न एरिक्सन (Björn Eriksson) ले त्यसलाई ननसेन्स भन्दै आफूहरूको तर्फबाट सर्वसम्मत रूपमा त्यस (निवेदन) लाई अस्वीकार गरिने बताएका थिए । सो समाचार स्थानीय टिभी फोर च्यानलको अनलाइन संस्करणमा उल्लेख छ ।

त्यस्तै सेक्सलाई खेलको मान्यता दिनुपर्ने भन्दै आएको आवदेनबारे स्थानीय गोटेनबर्ग पोस्टेनले समेत आर्टिकल राखेको थियो । आवेदन आएलगत्तै सो आवेदन सर्वसम्मत रूपमा अस्वीकार भएको थियो ।

महासंघले एक विज्ञप्ति जारी गर्दै उक्त आवेदन अस्वीकार गरेको घोषणा गरेको थियो । त्यसैले राष्ट्रिय खेलकुद महासंघमा सेक्सलाई खेलको मान्यता दिनका लागि आवेदन आए पनि उक्त आवेदन अस्वीकार भएको देखिएको छ ।

Related Posts

यो खबर पढेर तपाईलाई कस्तो महसुस भयो ?
Array
शेयर गर्नुहोस:

Discussion about this post

ताजा समाचार
‘बाई बाई सुगर’को भर पर्दा सास्ती पाएपछि गण्डकी प्रदेशका पूर्वमन्त्री सिआइबीको शरणमा

‘बाई बाई सुगर’को भर पर्दा सास्ती पाएपछि गण्डकी प्रदेशका पूर्वमन्त्री सिआइबीको शरणमा

काठमाडौं । ‘मधुमेह चट’ हुने भन्दै हिजोआज सामाजिक सञ्जाल फेसबुकतिर भिडिओहरू प्रशस्त आउने गरेका छन्। विभिन्न कम्पनीका नाममा आयुर्वेदिक क्याप्सुल,...

महिला एशिया कपमा नेपालको विजयी शुरुवात, युएईमाथि ६ विकेटको जित

महिला एशिया कपमा नेपालको विजयी शुरुवात, युएईमाथि ६ विकेटको जित

काठमाडौँ । नेपालले जारी महिला एशिया कपमा नेपालले विजयी शुरुवात गरेको छ । आज भएको उद्घाटन खेलमा नेपालले युएईलाई ६...

सिमलताल दुर्घटना: २३ शव फेला, १४ जनाको सनाखत

सिमलताल दुर्घटना: २३ शव फेला, १४ जनाको सनाखत

चितवन । नारायणगढ– मुग्लिन सडकको सिमलतालमा गत असार २८ गते पहिरोमा परी त्रिशूली नदीमा बेपत्ता भएका दुई बसका यात्रुमध्ये अहिलेसम्म...