प्रतिनिधिसभाको बैठक भोलिसम्मका लागि स्थगित

काठमाडौं,२१ जेठ । प्रतिनिधि सभाको बैठक सोमबार बिहान ११ बजे बस्ने भएको छ । आज (आइतबार) को बैठक नेकपा (एमाले) लगायत प्रतिपक्षी दलहरूको विरोधका कारण अवरूद्ध हुन पुगेको थियो।

राष्ट्रपति रामचन्द्र पौडेलले नागरिकता विधेयक प्रमाणीकरण गरेको विरोधमा प्रमुख प्रतिपक्षी दल नेकपा एमाले, राष्ट्रिय स्वतन्त्र पार्टी र राष्ट्रिय प्रजातन्त्र पार्टीले संसद अवरोध गरेपछि बैठक भोलिसम्मका लागि स्थगित भएको हो ।

संसद् सचिवालयले सोमबार बिहान ११ बजे बैठक बस्ने सूचना प्रकाशित गरेको छ। प्रतिनिधि सभाको आजको बैठकमा बजेटमाथि छलफल सुरू गर्ने कार्यसूची रहेको थियो।