माडीमा जंगली कर्कलो टिप्न जाँदा भीरबाट लडेर एक जनाको मृत्यु

चितवन,१५ जेठ । चितवनको दक्षिणी नगरपालिका माडी–१ मा जलुका (जंगली कर्कलो) टिप्न जाँदा भीरबाट लडेर एक जनाको मृत्यु भएको छ । माडी–१ द्रौपदीनगरका ५५ वर्षीय ईन्द्रबहादुर रिमालको घरनजिकैको जंगलमा जलुका टिप्न जाँदा चिप्लिएर मृत्यु भएको हो ।

आइतबार बिहान घरबाट सागपात टिप्न गएका उनी साँझ अवबेरसम्म पनि घर नफर्किएपछि आइतबार राति बिहान गाउँलेहरु उनलाई खोज्न गएका थिए ।

उनको खोजी गर्ने क्रममा घरभन्दा करिब २ किलोमिटरको दुरीमा भिरबाट चिप्लिएर मृत्यु भएको अवस्थाना उनको शब भेटिएको थियो । घटनास्थलको मुचुल्का उठाएर शव घरमा ल्याइएको र आज (सोमबार) बिहान पोष्टमार्टमको लागि भरतपुर पठाइएको ईलाका प्रहरी कार्यालय माडीका प्रमुख दीपक रिजालले जानकारी दिए । पोष्ट मार्टमको रिपोर्ट आउन बाँकी छ ।