काठमाडौं,१२ जेठ । रेशम चौधरीलाई गणतन्त्र दिवसको अवसरमा आममाफी नदिन टीकापुर घटनामा ज्यान गुमाउने प्रहरी पत्नीले राष्ट्रपति कार्यालयमा निवेदन दर्ता गरेकी छन् ।
टिकापुरमा हत्या गरिएका प्रहरी निरीक्षक केशव बोहरा पत्नी शारदा कडायत बोहराले राष्ट्रपति कार्यालयमा निवेदन निवेदन दर्ता गरेकी हुन् । ‘मैले आज राष्ट्रपति कार्यालयमा निवेदन दर्ता गरेकी छु,निवेदनमा तीन तहको अदालतले निरूपण गरिसकेको बिषयलाई राजनीतिको खास्टो ओढाएर माफी मिनाहा नदिन आग्रह गरेकी छु’-शारदा बोहराले भनिन् ।
२०७२ भदौ ७ मा कैलालीको टीकापुरमा थरुहट /थारुवान समर्थक प्रदर्शनकारीको आक्रमणबाट प्रहरी निरीक्षक केशव बोहराले ज्यान गुमाएका थिए । टीकापुरमा प्रहरी वरिष्ठ उपरीक्षक लक्ष्मण न्यौपानेसहित ८ जना सुरक्षाकर्मी र एकजना नाबालकको हत्या भएको थियो । प्रदर्शनको नेतृत्व रेशम चौधरीले गरेका थिए ।
Post Views: 334
Discussion about this post