छोरीको जन्म दिनको अवसर पारेर रातापुरका महतो दम्पतिले गरे देवघाटधाममा हरियो तरकारी सहयोग

पुनम मगर रातापुर,८ जेठ । पश्चिम चितवन भरतपुर २५ रातापुर निवासी बोध राज महतो र रिमा महतोको दम्पतिले देवघाटधाम चितवनमा रहेका श्री बागीश्वरी आध्यात्मिक परिषद्, योगी नरहरिनाथ आश्रम, श्रीरामजानकी वालिका आश्रम र श्रीरामजानकी गार्गी कन्या गुरुकुलमा हरियो तरकारी सहयोग गर्नु भएको छ ।

यहि आउदो जेठ १७ गते आफ्नो छोरी अनुसा महतोको जन्म दिनको अवसर पारेर उहाले देवघाटधाममा आफ्नै बारिमा लगाउनु भएको हरियो तरकारी सहयोग गर्नु भएको हो । करेला,खुर्सानी,बोडी लगायतको रु १८,००० बराबरको हरियो तरकारी सहयोग गर्नु भएको छ ।

बिगत २ बर्ष देखि तरकारी खेतीमा लाग्नु भएको महतोले फेरि फेरि पनि देवघाटधाममा सहयोग गर्ने बताउनु हुदै, आफुलाइ यो सहयोग गर्न पाउदा धेरै खुशी र सन्तुष्टि मिलेको बताउउनु भयो ।