स्कोब पश्चिम चितवनले सम्पन्न गर्यो आधारभुत प्राथमिक उपचार तालिम

 महेन्द्र महतो चनौली,७ जेठ । संस्थागत विद्यालय समन्वय बोर्ड (स्कोब) पश्चिम चितवनद्वारा आयोजित ३ दिने आधारभुत प्राथमिक उपचार तालिमको समापन भएको छ।

यहि जेठ ५ गते बाट संचालन भएको तालिम प्याब्सन जिल्लापुर्व अध्यक्ष,पुर्व केन्द्रिय सदस्य,स्कोब प्रमुख सल्लाहकार बेल बहादुर गुरुङको प्रमुख आतिथ्यतामा सम्पन्न भएको हो ।

आज समापन कार्यक्रमलाई सम्बोधन गर्नु हुदै प्रमुख अतिथि गुरुङले महत्त्वपूर्ण तालीममा भाग लिनु भएका सम्पुर्ण प्रशिक्षार्थी र प्रशिक्षकलाई धन्यवाद दिनुभयो ।तालिमबाट सिकेका ज्ञान,सिपलाइ आफ्नो घर,समाज र आफुले अध्यापन गराउने विद्यालयमा लागू गर्न आग्रह समेत गर्नु भएको छ ।

फरक प्रशङ्गमा स्कोब पश्चिम चितवनले स्कोबमा आबद्ध सम्पुर्ण विद्यालयलाई अप्ठ्यारो परेको समयमा छिटो भन्दा छिटो आबश्यक सहयोग गर्ने र आधारभुत प्राथमिक उपचार तलिम जस्तै अन्य महत्त्वपूर्ण तालिमहरु स्कोब पश्चिम चितवनले अन्य दिनहरुमा गर्दै जाने बताउनु भयो ।

कार्यक्रममा नेपाल रेडक्रस सोसाइटी चितवन शाखाका हरि प्रसाद पौडेलको बिशिस्ट आतिथि रहनु भएको थियो । तालिमलाई प्रमुख प्रशिक्षक चिज कुमार आले,प्रशिक्षकहरु सारदा शर्मा पौडेल,जीवन के।सि र नवीन राज तिवारीले ६ चरणमा संचालक गर्नुभएको थियो ।

तालिममा सिकाइएका सीप,ज्ञानलाइ आधारित बनाएर लिखित र प्रयोगात्मक परिक्षामा भुमा पौडेल प्रथम,पार्वती भुजेल दितिय, वरुण आचार्य र सरोज कुमारी कार्की तृतीय हुनु भएको थियो ।

कार्यक्रममा सहभागी सम्पुर्ण प्रशिकक्षार्थीलाई स्कोब पश्चिम चितवनद्वारा फस्ट एड बक्स(First Aid Box) बितरण गरिएको थियो ।  स्कोब पश्चिम चितवनका उपाअध्यक्ष तम बहादुर पुनको सभाअध्यक्षतामा सम्पन्न कार्यक्रमलाइ स्कोब पश्चिम चितवनका सचीव तथा जेनिथ इग्लिस बोडिङ्ग स्कुलका प्राचार्य बिष्णुहरि अधिकारीले सहजीकरण गर्नु भएको थियो ।