काठमाण्डाै,७ जेठ । इन्डियन प्रिमियर लिग (आईपीएल) मा गएराति सम्पन्न दोस्रो खेलमा कोलकाता नाइट राइडर्सविरुद्ध एक रनको रोमाञ्चक जित निकाल्दै लखनउ सुपर जायन्ट्सले प्लेअफमा स्थान पक्का गरेको छ ।
इडेन गार्डेनमा भएको रोमाञ्चक खेलमा कोलकाता एक रनले पराजित भयो । टस हारेर पहिला ब्याटिङ गरेको लखनउले निर्धारित २० ओभरमा ८ विकेट गुमाएर १ सय ७६ रन बनाएको थियो । उसका लागि निकोलस पूरनले ५८ रन बनाए ।यस्तै क्विन्टन डी ककले २८, प्रेरक मन्डकले २६, आयुश बडोनीले २५ र कृष्णप्पा गौतमले ११ रन थपे ।
कोलकाताका शार्दुल ठाकुर, सुनिल नारिन र वैभव अरोराले समान दुई विकेट लिए । हर्शित राना र वरुण चक्रवर्तीले एक-एक विकेट लिए ।
१ सय ७७ रनको लक्ष्य पछ्याएको कोलकाताले निर्धारित २० ओभरमा ७ विकेट गुमाएर १ सय ७५ रन बनायो ।उसका रिंकु सिँहले अविजित ६७ रन बनाए पनि टोलीलाई जिताउन सकेनन् । जेसन रोयले ४५ रन जोडे ।
लखनउका रवि बिश्नोई र यश ठाकुरले २/२ विकेट लिए । लखनउ १४ खेलमा १७ अंकका साथ तालिकाको तेस्रो स्थानमा रहेको छ । प्ले अफबाट बाहिरिएको कोलकाताको १४ खेलमा १२ अंकका साथ तालिकाको सातौँ स्थानमा छ ।
Discussion about this post