श्रीमतीको हत्यापछि सेफ्टी ट्याङ्कीमा फ्याँकेर भाग्ने पक्राउ

काठमाडौं, ४ जेठ । श्रीमतीको हत्यापछि सेफ्टी ट्याङ्कीमा फ्याँकेर भाग्ने एक जनालाई प्रहरीले पक्राउ गरेको छ । काठमाडौं उपत्यका अपराध अनुसन्धान कार्यालयको टोलीले रोल्पाको सुनछहरी गाउँपालिका वडा नम्बर ६ फगाम घर भएका ३९ वर्षीय गर्भे विकलाई पक्राउ गरेको हो। उनी गत फागुन २० गते श्रीमतीको हत्या गरी फरार रहेका थिए।

गत फागुन २० गते श्रीमती केशु बिक हत्या गरेर उनी फरार भएका थिए ।  हत्यापछि कपिलवस्तु शिवराज नगरपालिका वडा नम्बर ५, चन्द्रौटा स्थित प्रयोगमा नआएको बस गाडीको रिफ्रेस सेन्टर भवनको सेफ्टी ट्याङकीमा शव फ्याँकेर उनी फरार भएको खुल्न आएको प्रहरीले जनाएको छ ।

काठमाडौंको सतुंगलबाट पक्राउ परेका उनलाई थप अनुसन्धानको लागि वडा प्रहरी कार्यालय चन्द्रौटा कपिलवस्तु पठाएको प्रहरीले जानकारी दिएको छ।