दर्ता भयो ‘यात्री’ मोटरसाइकल

काठमाडौं,२ जेठ । नेपालमै उत्पादन भएर पनि विविध कारणले दर्ता हुन नसकेको ‘यात्री’ मोटरसाइकल कम्पनी अन्ततः सोमबार दर्ता भएको छ ।३ वर्षअघि आफ्नो उत्पादन सार्वजनिक गरेको यात्री अन्ततः‘यात्रु डिजाइन स्टुडियो प्रा.लि’ नामले दर्ता भएको हो ।

एकवर्ष अघि नै आफुले उत्पादन गरेको मोटरसाइकल ग्राहकलाई डेलिभरी गरेपनि दर्ता हुन नसकेका कारण बजार विस्तार हुन् नसकेकोमा कम्पनीले दुःख व्यक्त गर्दै आएको थियो ।

कम्पनीले सोमबार राति सामाजिक सञ्जालमार्फत आफ्नो स्पेसियल सिरिजको यात्री पी–१ मोटरसाइकल दर्ता भएकोबारे जानकारी दिएको छ ।

गत वैशाख १० गते प्रधानमन्त्री पुष्पकमल दाहाल प्रचण्डले यात्री निर्माण टिमलाई भेटेका थिए । भेटपछि उनले विभागलाई ‘यात्री’ मोटरसाइकल दर्ताका लागि कानुन बनाउन निर्देशन दिएका थिए ।