विभिन्न १८ वटा विद्यामा अवार्ड वितरण गर्दै सकियो थारु म्यूजिक भिडियो अवार्ड वितरण कार्यक्रम

चितवन,३१ वैशाख । चितवनको खैरहनीमा शनिवार साँझ राष्ट्रिय थारु म्यूजिक भिडियो अवार्ड कार्यक्रम सम्पन्न भएको छ । राष्ट्रिय थारु म्यूजिक भिडियो अवार्ड कार्यक्रममा यो वर्षको बेष्ट सिगर सहित विभिन्न १८ वटा विद्यामा अवार्ड वितरण गरिएको छ ।

थारु कलाकार सभा, चितवनले  खैरहनी पाटी भेन्युमा आयोजना गरेको राष्ट्रिय थारु म्यूजिक भिडियो अवार्डमा राप्ती नगरपालिकाका प्रमृुख शमसेर लामाले उद्घाटन गरेका थिए । उद्घाटन कार्यक्रमलाई संवोधन गर्दै मेयर लामाले भाषा तथा संस्कृति संरक्षणमा थारु समुदाय अगाडी रहेको बताए । आफ्नो कला संस्कृतिसँगै भाषा संरक्षणमा गीत संगीतले महत्वपूर्ण भूमिका खेल्ने नगर प्रमुख लामाले बताए । पूर्वी चितवनमा देशैभरको थारु कलाकारहरुलाई स्वागत गर्न पाउँदा खुशी लागेको उनको भनाई छ ।

कार्यक्रममा थारु गीत संगीतदेखि कलाकारिता क्षेत्रमा लामो समयदेखि कामगर्दै आएका अभिनेता एवम निर्मातार निर्देशक परशुराम चौधरीलाई सम्मान समेत गरिएको छ । सम्मान ग्रहणपछि कार्यक्रममा बोल्दै निर्देशक चौधरीले थारु समुदायको गीत संगीतले देशकै नेतृत्व गर्ने अवस्थामा पुग्न लागेको बताए ।

लामो समयको संघर्षपछि थारु समुदायको गीत संगीत नेपाली कलाकारिता क्षेत्रमा ब्राण्डिङको रुपमा स्थापित हुँदै गएको दावी गरे । बलिउडमा साउथ क्षेत्रको हाबी बढेसरह नेपालमा पनि थारु समुदायको गीतसंगीतले मार्केट ओग्टने उनको भनाई छ ।

हामीले बनाउने चलचित्र होस या,म्यूजिक भिडियोहरु नै किन नहोस त्यो सबैले बुझ्ने भाषामा पनि डब गरेर काम गर्ने हो भने थारु म्यूजिक क्षेत्रले देशकै प्रतिनिधित्व गर्ने बेला आउन सक्ने बताए ।  विगत ४० वर्षदेखि थारु कलाकारिता क्षेत्रमा विताउँदा आफुले भोगेको तितामिठा अनुभवलाई सुनाएका थिए ।

थारु कलाकार सभाका सभापति सुरेश चौधरीको अध्यक्षतामा आयोजना गरिएको कार्यक्रममा थारु कल्याणकारिणी सभा चितवनका जिल्ला सभापति ललितकुमार चौधरी, लगायत विभिन्न विद्याका कलाकारहरुको उपस्थिती थियो ।

अवार्ड समारोहमा मन लागेना बोलको गीतलाई समेत सम्मान गरिएको छ । यूटुबमा करोड क्लबमा प्रवेश गरेको भन्दै मन लागेना बोलेको गीतलाई सम्मान पत्रले सम्मान गरिएको थियो । यो गीतका गायक आरके थारु लगायतका टिमले पुरस्कार ग्रहण गरेका थिए ।यस्तै यो वर्षको थारु बेष्ट सिंगर अवार्ड गायक श्रीनिवास चौधरीले प्राप्त गरेका छन् ।

पहिलो पटक चितवनमा आयोजना गरिएको राष्ट्रिय थारु म्यूजिक अवार्डमा कुन कुन विद्यामा कुन कुन कलाकारले अवार्ड पाए  ?

१)श्रृंगार तर्फ : सरु ओलि (राजारानि बोलको गित)

२)भेषभुषा : रोहित चौधरी (चमचम चमके)

३)संगित संयोजन : गणेश चौधरी (बिन्दिया बोलाये सजना)

४)रङ्ग संयोजन : सुरज महतो (राजारानी )

५)सम्पादन : सतिश सिन्हा(धुर उराके)

६)नृत्य निर्देशक : कोडियोग्राफर अजय महतो (पावनी जितिया)

७)शब्द : उपेन्द्र चौधरी (पावनी जितिया)

८)छायांकन : रमेश चौधरी (राजारानी)

९)निर्देशक : रजनिश चौधरी (का यहे हो माया)

१०)संगितकार : गणेश चौधरी (बिन्दिया बोलाये सजना)

११)बेस्ट फिमेल लोक बिधा(best female folk ) : गायिका समिक्षा चौधरी (घोङी चटना)

१२)बेस्ट मेल लोक बिधा ( best male folk) : गायक राज कुश्मी ( महिरावन)

१३) Future of model female : नेहेल्जा कुश्मी (तु मोर जिन्दगानी)

१४) future of model new best : अस्मिता चौधरी ( अब ना जा व)

१५)future of model male: नितेश चौधरी (जन्मो जनम)

१६)future of model new best : नवीन लेखी(जनम जनम कि नाता)

१७)popular Best female actress : नेहा चौधरी (बिन्दिया बोलाये सजना)

१८)बेस्ट अभिनेत्री : प्रतिभा चौधरी (आ जा ना )

१९)बेस्ट गायिका : अनुमा चौधरी (राजारानि)

२०) पपुलर बेस्ट गायिका : अनु चौधरी ( बिन्दिया बोलाये सजना)

२१) Best Hunk Model of the year actor : मुकुन्द जि.सि.( आवना सजना)

२२) Best Hunk Model of the year Best Actor : देब महतो ( दिल कहे हर बार)

२३) popular Best Singer : आर.के .थारु (का यहे हो माया) २४) Best Singer : श्री निवास चौधरी ( नयना)

२५) ध्वनी मिश्रण : चन्द्र चौधरी ( बिन्दिया )