टोपबहादुर रायमाझी काठमाण्डौबाट पक्राउ

काठमाडौं । नक्कली भुटानी शरणार्थी प्रकरणमा फरार पूर्व उपप्रधानमन्त्री एवम् नेकपा एमालेका नेता टोपबहादुर रायमाझी पक्राउ परेका छन् ।

आइतवार बेलुकी काठमाण्डौको बूढानीलकण्ठबाट रायमाझीलाई पक्राउ गरेको जिल्ला प्रहरी परिसर काठमाण्डौका प्रमुख तथा प्रहरी वरिष्ठ उपरीक्षक दानबहादुर कार्कीले बताउनुभयो । उहाँले भन्नुभयो, “हाम्रो टोलीले उहाँ (रायमाझी) लाई बूढानीलकण्ठ क्षेत्रबाट पक्राउ गरिसकेको छ ।”

रायमाझी विरुद्ध ११ दिनअघि जिल्ला अदालत काठमाडौंबाट पक्राउ पुर्जी जारी भएको थियो । अब यो प्रकरणमा पक्राउ पर्नेको सङ्ख्या १३ पुगेको छ ।

उनि नेकपा एमालेका सचिव तथा पूर्वमन्त्री पनि हुन् । पक्राउ पुर्जी जारी भएपछि नेकपा एमालेले उनलाई निलम्बित गरीसकेको छ ।