इन्डियन प्रिमियर लिग : दिल्लीलाई ३१ रनले हराउँदै पञ्जाब विजयी

काठमाण्डाै,३१ वैशाख । इन्डियन प्रिमियर लिग (आईपीएल) क्रिकेटअन्तर्गत शनिवार राति भएको खेलमा दिल्ली क्यापिटललाई ३१ रनले हराउँदै पञ्जाब किंग्सले जितेको छ ।

टस हारेर पहिला ब्याटिङ गरेको पञ्जाबले निर्धारित २० ओभरमा ७ विकेट गुमाएर १ सय ६७ रन बनाएको थियो ।उसका लागि प्रभसिमरन सिंहले १ सय ३ रनको शतकीय पारी खेले ।यस्तै साम करनले २० र सिकन्दर राजाले ११ रन बनाएका थिए।दिल्लीका इशान्त शर्माले २ तथा प्रविन दुवे, अक्षर पटेल, कुलदीप यादव र मुकेश कुमारले समान १/१ विकेट लिए ।

जवाफी ब्याटिङ गर्दै दिल्लीले २० ओभरमा ८ विकेट गुमाएर १३६ रन मात्रै बनाउन सक्यो ।उसका लागि डेबिड वार्नरले ५४ रन बनाए ।यस्तै रुसो ५,मनिष पाण्डे शून्य रनमा आउट भए।पञ्जाबका हरप्रित ब्रारले ४ विकेट तथा राहुल चाहर र नाथन एलिसले समान २/२ विकेट लिए ।

१२ खेलमा १२ अंकका साथ पञ्जाब लिगको छैटौँ स्थानमा उक्लिएको छ । समान १२ खेलमा ८ अङ्क रहेको दिल्ली पुछारमा कायमै छ ।