ईभरग्रिन ईको क्लबको आयोजनामा फोहोर ब्यबस्थापन तथा लामखुट्टे रोकथाम सम्बन्धि जनचेतनामूलक कार्यक्रम सम्पन्न

भरतपुर,३० वैशाख । ईभरग्रिन ईको क्लब को आयोजनामा रत्ननगर न.पा.वडा नं ८ को सभा हलमा फोहोर ब्यबस्थापन तथा लामखुट्टे रोकथाम सम्बन्धि जनचेतनामूलक कार्यक्रम सम्पन्न भएको छ ।

प्रमुख अतिथि रत्ननगर-८ की वडा सदस्य सिता अधिकारी र क्लबका अध्यक्ष बिमल सुबेदीको सभापतित्वमा कार्यक्रम सम्पन्न भएको हो ।

प्रथम प्रस्तुति फोहोर ब्यबस्थापन शिर्षकमा क्लबका अध्यक्ष बिमल सुबेदीको रहेको थियो भने दोश्रो प्रस्तुति क्लबकी सदस्य श्री बबिता सुर्खालीको लामखुट्टे रोकथाम शिर्षकमा रहेको थियो ।

कार्यक्रम मार्फत फोहोरलाई घरमै कम्पोस्ट बनाएर, साथै प्लास्टिक, टिनका डिब्बाहरुलाई जम्मा गरेर कवाडीका मार्फत पुनः प्रशोधन गर्ने उधोगहरुसम्म पुर्याएर फोहोर ब्यबस्थापन गर्न सकिन्छ र लामखुट्टेको टोकाईबाट बच्नका लागी हाम्रो घर-टोल छिमेकमा सरसफाई गर्ने,पानी जम्न नदिई लामखुट्टेको बासस्थान नष्ट गर्नुपर्छ भन्ने सन्देश प्रदान गरिएको थियो ।

कार्यक्रमका सहभागिहरुमाझ प्रस्तुतिकै बिषयहरुको प्रश्न सोधेर सहि उत्तर मिलाउनुहुने सहभागिलाई डस्टबिन, लामखुट्टे झुल र लेमन(ग्रासको बिरुवा पुरस्कार स्वरुप प्रदान गरिएको थियो । साथै, उक्त वडा ८ कार्यालय वरपरको फोहोर टिपेर सरसफाई पनि गरिएको थियो ।

क्लबका अध्यक्ष एव्म कार्यक्रमका सभापति बिमल सुबेदीले कार्यक्रममा साथ दिनुहुने रत्ननगर न.पा.वडा नं ८ तथा उक्त वडा अन्तर्गतका टोल सुधार समितीका सम्पूर्ण पदाधिकारी,स्थानियबासी र क्लबका सम्पुर्ण सदस्य साथीहरूलाई हार्दिक धन्यबाद तथा आभार प्रकटगर्नुका साथै, आउदा दिनहरुमा पनि वातावरण तथा प्रकृती संरक्षणका यस्तै कार्यक्रमहरुलाई निरन्तरता दिने प्रतिबद्धता जनाउनु भयो ।कार्यक्रमलाई क्लबका सचिव शालिकराम पाठकले सहजिकण गर्नु भएको थियो ।