इन्डियन प्रिमियर लिग : कोलकातालाई राजस्थानले ९ विकेटले हरायो

काठमाडौं,२९ वैशाख । इन्डियन प्रिमियर लिग (आईपीएल) क्रिकेटमा राजस्थान रोयल्सले कोलकाता नाइट राइडर्सलाई ९ विकेटले हराएको छ । बिहीबार इडेन गार्डेनमा सम्पन्न खेलमा टस हारेर पहिला ब्याटिङ गरेको कोलकाताले २० ओभरमा ८ विकेट गुमाउँदै १ सय ४९ रन बनाएको थियो ।

उसका लागि वेंकटेश ऐरले सर्वाधिक ५७,कप्तान नितिश राणाले २२, रह्मनुल्लाह गुर्बजले १८ रन जोड्दा आन्द्रे रसेल र जासन रोयले समान १० रन बनाएको थियो ।राजस्थानका युजवेन्द्र चहलले चार विकेट लिए यस्तै ट्रेन्ट बोल्टले दुई विकेट लिदा सन्दीप शर्मा र केएम आसिफले समान एक विकेट लिए ।

जबाफि ब्याटिङ गरेको राजस्थानले १३.१ ओभरमा एक विकेट गुमाएर लक्ष्य भेट्टायो ।राजस्थानका यशस्वी जैशवाल ९८ रनमा अविजित रहे ।कप्तान सन्जु स्यामसनले ४८ रन बनाए ।

यो सगै राजस्थान १२ खेलमा १२ अङ्कका साथ तेस्रो स्थानमा उक्लिएको छ । कोलकाता १२ खेलमा १० अङ्कका साथ सातौँ स्थानमा छ ।