३ प्रदेशमा आज वर्षाको सम्भावना

काठमाडौं,२८ वैशाख । आज तीनवटा प्रदेशमा क्षणिक वा हल्का वर्षाको सम्भावना रहेको जल तथा मौसम विज्ञान विभागले जनाएको छ।

विभागको पूर्वानुमानअनुसार कोशी, गण्डकी र कर्णाली प्रदेशका पहाडी इलाकामा मेघ गर्जन र चट्याङसहित क्षणिक वा हल्का वर्षाको सम्भावना छ। मेघ गर्जन र चट्याङबाट हुन सक्ने क्षतिबाट बच्न आवश्यक सतर्कता अपनाउन विभागले आग्रह गरेको छ।

आज दिउँसो कर्णाली, गण्डकी, वागमती र कोशी प्रदेशका पहाडमा आंशिक बदली रही बाँकी क्षेत्रमा आंशिक बदलीदेखि मौसम सफा रहनेछ। गण्डकी र कर्णाली प्रदेशका पहाडका १–२ स्थानमा भने मेघ गर्जन र चट्याङसहित क्षणिक वा हल्का वर्षाको सम्भावना छ। लुम्बिनी प्रदेशका तराईमा सामान्य हावाहुरीको सम्भावना पनि देखिएको छ ।