ताप्लेजुङ,२८ वैशाख । ताप्लेजुङस्थित प्रसिद्ध तीर्थस्थल पाथीभरामा ७ करोड १० लाख रुपैयाँभन्दा बढी भेटी संकलन भएको छ । पाथीभरामा भक्तजनले चढाएको र विभिन्न दाताले उपलब्ध गराएको सहयोगसमेत गरी हालसम्म उक्त रकम संकलन भएको हो ।
पाथीभरा क्षेत्र विकास समितिका अनुसार गत वैशाख १ सम्ममा कुल सात करोड १० लाख ३७ हजार ७९३ रुपियाँ भेटी सङ्कलन भएको छ । कुल रकममध्ये गत आर्थिक वर्षसम्म पाँच करोड तीन लाख १८ हजार ४८५ रुपियाँ भेटी सङ्कलन भएको थियो । चालु आर्थिक वर्षको वैशाख १ सम्म मात्र दुई करोड सात लाख १९ हजार ३०८ रुपियाँ सङ्कलन भएको हो ।
समितिका कार्यकारी निर्देशक मनमणि काफ्लेका अनुसार चालु आवमा सङ्कलन भएको भेटी अन्तर्गत पाथीभरामा भक्तजनले चढाएको रकमबाट एक करोड ५६ लाख ९७ हजार २४० रुपियाँ रहेको छ । यस्तै विभिन्न दाताको सहयोगबाट ११ लाख ३१ हजार ६७७ रुपियाँ, सिक्का सटहीबाट सात लाख ५० हजार छ सय रुपियाँ र भारतीय रुपियाँ (भारु) सहटीबाट सात लाख दुई हजार तीन सय रुपियाँ रकम सङ्कलन भएको जानकारी उहाँले दिनुभयो ।
![Khabar_Chitwan[1]](https://khabarchitwan.com/wp-content/uploads/elementor/thumbs/Khabar_Chitwan1-q32yg33ry1w93hxhgrek6ezhfe8djapkiva3mjsb32.png "Khabar_Chitwan[1]")
Discussion about this post