थप ५१ जनामा कोरोना पुष्टि

काठमाडौं,२६ वैशाख ।  पछिल्लो २४ घण्टामा देशभर थप ५१ जनामा कोरोना भाइरस संक्रमण पुष्टि भएको छ ।  एक हजार ९०२  नमुना परीक्षण गर्दा ५१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

६६९ जनाको पीसीआर परीक्षण गर्दा २६ जना र १ हजार २३३ जनाको एन्टीजेन परीषण गर्दा २५ जना गरी ५१ जनामा कोरोना संक्रमण पुष्टि भएको हो ।

हाल देशभर एक सय ४७ सक्रिय संक्रमित रहेका छन् भने पछिल्लो २४ घण्टामा २६ जना कोरोना संक्रमणमुक्त भएका छन् । यस्तै हाल संस्थागत आईसोलेसनमा १३ जना र आईसीयूमा ६ र एक संक्रमितको भेन्टिलेटरमा उपचार भइरहेको मन्त्रालयले जनाएको छ ।