जनप्रिय पब्लिक स्कुलद्धारा सरसफाइ कार्यक्रम सम्पन्न

भरतपुर,२५ वैशाख । भरतपुर महानगरपालिका वडा नं १९ मा अवस्थित जनप्रिय पब्लिक स्कुलले सर सफाइ कार्यक्रम सम्पन्न गरेको छ ।

जनप्रिय पब्लिक स्कुलको गेट देखि शारदानगर टाउन चोक,बखान सिहं चोक,शहिद स्मारक कलेज हुदै पुन श्री जनप्रिय स्कुलको गेटमा आएर सर सफाइ कार्यक्रम सम्पन्न भएको थियो ।

कार्यक्रममा जनप्रिय पब्लिक स्कुलका कक्षा ८ र ९ मा अध्ययनरत विद्यार्थीहरु, विद्यालयका शिक्षक उदय कुमार वि.क,नारायण घिमीरे,सागर तामाङ,सह प्राचार्य निर्मल रानाभाट, विद्यालय प्रसासक विश्वराज अर्यालको सहभागिता रहेको थियो ।

विश्व रेडक्रस दिवसको अवसरमा आयोजित कार्यक्रमको नारा (समुदाय संग विद्यालय, विद्यालय संग समुदाय भन्ने)कथनका साथ करिव २० किलो जति फोहर संकलन गरि सर सफाइ मुलक सन्देश प्रवाह गरियो ।

कार्यक्रमको अवसरमा विद्यालय प्रशासक विश्वराज अर्यालले यदि समुदायले स्थानिय विद्यालयलाई सहयोग गरेमा प्रत्यक्ष लाभाम्स स्थानिय समुदायले पाउने तथा जनप्रिय पब्लिक स्कुलले विभिन्न रचनात्मक कार्य गर्ने प्रतिवद्धता ब्यक्त गर्दै शिक्षामा जागृति दिनको लागि जनप्रिय टिम हर दिन,हर पल तयार भएको तथा अभिभावकको रचनात्मक शुझावको अपेक्षा रहेको पनि बताउनु भयो ।

किशोरमान थापा लाहुरे टोल इसान फलफुल पसल र शिक्षक नारायण घिमीरेले गर्मी समयमा चिसो पानी र कोकको प्रायोजन गर्नुभएको थियो ।