इन्डियन प्रिमियर लिग : मुम्बईले पञ्जाबलाई ६ विकेटले हरायो

काठमाण्डाै,२१ वैशाख । इन्डियन प्रिमियर लिग (आईपीएल) क्रिकेटमा मुम्बई इन्डियन्सले पञ्जाब किङ्सलाई ६ विकेटले पराजित छ । घरेलु मैदान मोहालीमा टस हारेर पहिले ब्याटिङ गरेको पञ्जाबले निर्धारित २० ओभरमा ३ विकेट गुमाउँदै २ सय १४ रन बनाएको थियो ।

पञ्जाबका लियाम लिभिङस्टोनले ८२ र जितेश शर्मा ४९ रनको अविजित पारी खेले पनि टोलीको हार टार्न सकेनन् ।त्यस्तै कप्तान शिखर धवनले ३० र म्याथ्यू सर्टले २७ रन जोडे । मुम्बईका पीयूष चावलाले २ र अर्शद खानले १ विकेट लिए ।

जवाफि ब्याटिङमा उत्रिएको मुम्बईले १८ ओभर ५ बलमा ४ विकेट गुमाउँदै लक्ष्य भेट्टायो ।मुम्बईको जितमा ईशान किशनले सर्वाधिक ७५ रन बनाए । सूर्यकुमार यादव ६६ रनमा आउट भए । पञ्जाबका नाथन एलिसले २ तथा ऋषि धवन र अर्शदीप सिंहले समान १/१ विकेट लिए ।

पञ्जाब १० खेलमा ५ मा जित र ५ मा हारसहित १० अङ्ककासाथ सातौँ स्थानमा छ । हिजो भएको पहिलो खेल वर्षाले प्रभावित हुँदा लखनउ र चेन्नईले अङ्क बाँडेका थिए ।