सोच परिवर्तन नेपालको आयोजनामा स्कुल स्तरीय हाजिर जवाफ प्रतियोगिता सम्पन्न

गुन्जनगर,२० वैशाख । सोच परिवर्तन नेपालको दोस्रो गौरवमय वार्षिक उत्सवको अवसरमा गुन्जनगर मा. वि को प्राङ्गणमा स्कुल स्तरीय हाजिर जवाफ प्रतियोगिता सम्पन्न भएको छ ।

गुन्जनगर मा वि को प्राङ्गणमा भएको कार्यक्रममा नौ बिधालयहरुको उपस्थिति रहेको थियो । जसमा जनप्रीय पव्लिक स्कुलले प्रथम स्थान हासिल गर्न सफल भएको छ । यस्तै गुन्जनगर मा.वि दोस्रो यस्तैगरी सम्मान अकं भएको कारणले शारदानगर मा.वि र शशिनगर मा.वि तेस्रो भएका छन् ।

कार्यक्रमको प्रायोजक सेन्ट्रल कलेज भोकसेनल ट्रेनिङ प्रा.लि का प्रीन्सीपल यग्य विलास पौडेलको उपस्थिति रहेको थियो भने शिक्षकहरु कृष्ण हरी अधिकारी, भानुभक्त अर्याल, प्रकाश अर्याल, रविन्द्र घिमिरे र सीता शर्मा ढकाल लगायत बिशिस्ट व्यक्तिहरुको उपस्थिति रहेको थियो । कार्यक्रमलाई सोच परिवर्तन नेपालका अध्यक्ष शिवराज कंडेलले सहजिकरण गर्नु भएको थियो ।