‘रुटिन अफ नेपाल बन्द’का भिक्टर सग लगनगाँठो कस्दै रियाशा

काठमाडौं,१८ वैशाख । चर्चित फेसबुक पेज ‘रुटिन अफ नेपाल बन्द’ का संस्थापक भिक्टर र चर्चित कलाकार रियाशा दाहाल विवाह वन्धनमा वाधिने भएका छन् । उनिहरुको विवाह वैशाख २० गते काठमाडौँको एकपार्टी प्यालेसमा आयोजना हुँदैछ ।

सानो पर्दाका टेलिफिल्म तथा म्युजिक भिडियोमा मोडलिङ गरेर सफल कलाकारको छवी बनाएकी दाहालले अन्नत:  भिक्टर पौडलसँग लगनगाँठो कस्ने भएकी हुन् ।

भिक्टर र उनको उनीहरूले लामो समयदेखिको प्रेम विवाहमा परिणत गर्न लागेका हुन्। भक्तपुरको सूर्यविनायक निवासी रियाशा र काठमाडौंको गोलढुंगा निवासी भिक्टर करिब तीन वर्षदेखि प्रेममा छन् ।

रियाशा युट्यूवमा प्रशारण हुने भिडियो सिरिज ‘आजकालको लभ’ बाट चर्चामा आएकी हुन् । उनी पछिल्लो समय ‘गाह्रो छ हो’ अभिनयमा ब्यस्त छिन् । भिक्टर चाहीँ चर्चित फेसबुक पेज ‘रुटिन अफ नेपाल बन्द’ का संस्थापक हुन् । पेज युवा पुस्तामाझ निकै लोकप्रिय छ ।