वृक्षारोपण गरि सोच परिवर्तन नेपालले गर्याे दोस्रो वार्षिक उत्सवको उद्घाटन

भरतपुर,१६ वैशाख । सोच परिवर्तन नेपालले भरतपुर -१८ बोटेनी, परादेवी तथा महालक्ष्मी मन्दिर साथै भरतपुर -१७ मा रहेको चितवन मनकामना माइ मन्दिरमा वृक्षारोपण गरि आफ्नो दोस्रो वार्षिक उत्सवको उद्घाटन गरेको छ ।

कार्यक्रममा प्रमुख अतिथि भरतपुर महानगरपालिका वडा न-१८ को वडा सदस्य लक्ष्मी शर्मा रहनु भएको थियो। कार्यक्रमका प्रमुख अतिथि शर्माले सोच परिवर्तन नेपालले गरेको कामहरु आफुलाई गर्व लाग्ने र कामहरु सानो देखिए पनि महान काम सोच परिवर्तन नेपालले गर्दै आइरहेको कुरा पनि व्यक्त गर्नु भयो ।

कार्यक्रममा बोटेनी देखि परादेवी तथा महालक्ष्मी मन्दिरका अध्यक्ष देवी प्रसाद ढकाल सहित अन्य सदस्यहरुको उपस्थितमा विभिन्न फुलका बिरुवाहरु मन्दिर परिसरमा रोपिएको छ । त्यस्तै चितवन मन्दिरका सल्लाहकार रोशन काफ्ले लगायत अन्य सदस्यहरु सहित वृक्षारोपण गरिएको छ ।

वृक्षारोपण कार्यक्रमका संयोजक अनिश सापकोटाको सभापतित्त्वमा कार्यक्रम सम्पन्न भएको थियो । भने कार्यक्रमको सहजीकरण  सोच परिवर्तन नेपालकी सह- सचीव सुजता गौडेलले गर्नु भएको थियो ।