काठमाडौं,१५ वैशाख । इन्डियन प्रिमियर लिग (आईपीएल) क्रिकेटअन्तर्गत बिहीवार राति भएको खेलमा चेन्नई सुपर किंग्सलाई ३२ रनले हराउँदै राजस्थान रोयल्सले जित निकालेको छ ।
राजस्थानको घरेलु सवाईमान सिंह क्रिकेट स्टेडियममा गएराति सम्पन्न खेलमा टस जितेर पहिला ब्याटिङ गर्दै राजस्थानले निर्धारित २० ओभरमा ५ विकेट गुमाउँदै २०२ रन बनाएको थियो । उसका लागि यशस्वी जायसवालले ४३ बलमा सबैभन्दा बढी ७७ रन बनाए ।यस्तै ध्रुव जुरेलले ३४,जोस बटलरले २७,कप्तान सञ्जु सामसन १७ रन बनाए ।चेन्नई सुपर किंग्सका तुषार देशपाण्डेले २ विकेट लिए ।
जवाफी ब्याटिङ गर्दै चेन्नईले ६ विकेटको क्षतिमा १७० रनमात्र बनाउन सक्यो । चेन्नईका लागि ऋतुराज गायकवाडले उत्कृष्ट ब्याटिङ गर्दै २९ बलमा ४७ रन बनाए ।यस्तै शिवम दुबेले ५२,अजिंक्य रहाणेले १३,रविन्द्र जडेजाले २३ रन बनाएर अविजित रहे ।
राजस्थानका लागि एडम जाम्पाले सर्वाधिक ३ विकेट लिए यस्तै आर अश्विनले दुई विकेट लिए । जितसँगै राजस्थान अंक तालिकाको पहिलो स्थानमा पुग्न सफल भएको छ भने चेन्नाई पहिलो स्थानबाट तेस्रो स्थानमा झरेको छ ।
Discussion about this post