थप १३६ जनामा कोरोना पुष्टि

काठमाडौं, १२ वैशाख । पछिल्लो २४ घण्टामा थप १३६ जनामा कोरोना भाइरसको सङ्क्रमण पुष्टि भएको छ । १५९१ जनाको कोरोना परीक्षण गर्दा उक्त संख्यामा सङ्क्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

एक हजार १९ जनाको पीसीआर परीक्षण गर्दा ९२ जना र ५७२ जनाको एन्टिजेन परीक्षण गर्दा ४४ जनागरी जम्मा १३६ जनामा संक्रमण पुष्टि भएको हो ।

त्यस्तै आज ६४ जना संक्रमणमुक्त भएका छन् भने हाल ३ सय ९० जना कोरोनाका सक्रिय संक्रमित रहेका छन् । सक्रिय सङ्क्रमितमध्ये २७ जना आइसोलेसन, ४ जना आईसीयू र १ जना भेन्टिलेटरमा रहेको मन्त्रालयले जनाएको छ ।