इण्डियन प्रिमियर लिग : कोलकत्तालाई हराउँदै शीर्षस्थानमा चेन्नई

काठमाडौँ,११ वैशाख । इन्डियन प्रिमियर लिग (आईपीएल) क्रिकेट अन्तर्गत कोलकाता नाइट राईडर्सलाई ४९ रनले हराउँदै चेन्नइ शीर्ष स्थानमा उक्लिएको छ।

आइतबार कोलकत्तास्थित इडेन गार्डेन स्टेडियममा सम्पन्न खेलमा टस हारेर ब्याटिङमा उत्रिएको चेन्नइले निर्धारित २० ओभरमा ४ विकेट गुमाउँदै २ सय ३५ रन बनाएको थियो। उसका लागि अविजित रहेका अजिन्क्य रहाणेले ७१,डेभोन कोन्वेले ५६,शिवम दुवेले ५०,रवीन्द्र जडेजाले १८ ,महेन्द्रसिंह धोनीले अविजित २ रन बनाए । कोलकत्ताका कुलवन्त खेज्रोलियाले सर्वाधिक २ विकेट लिँदा वरुण चक्रवर्ती र सुयश शर्माले समान १ विकेट लिए।

जवाफि व्याटिङ मा उत्रिएको कोलकत्ताले २० ओभरमा ८ विकेट गुमाएर १ सय ८६ रन मात्र बनायो। उसका लागि जेसन रोयले ६१ रन बनाए । यस्तै रिंकु सिंहले अविजित ५३,नितिश रानाले २७ तथा वेङटेस ऐयरले २० रन बनाए।चेन्नाईका लागि महेश थिक्सना र तुषार देशपान्डेले समान २/२ तथा मधिसा पथिराना,रवीन्द्र जडेजा ,मोईन अलि र आकाश सिंहले समान १/१ विकेट लिए।

जितसँगै ८ खेलबाट १० अंक जोडेको चेन्नइ तालिकाको शीर्षस्थानमा उक्लिएको छ।