देशभर ७८ जना कोरोना संक्रमित थपिए,१ जनाको मृत्यु

काठमाडौँ,९ वैशाख । पछिल्लो २४ घण्टामा देशभर ७८ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार १ हजार १४८ नमुना परीक्षण मध्ये २२४ पीसीआर विधिबाट २० जना र ९२४ एन्टीजेन विधिबाट ५८ गरी जम्मा ७८ जना संक्रमित थपिएको हो ।

यस्तै आज थप १ जना कोरोना संक्रमितको मृत्यु भएको छ। यो सगै हालसम्म १२ हजार २७ जनाको मृत्यु भएको मन्त्रालयले जनाएको छ ।

पछिल्लो २४ घण्टामा ५० जना संक्रमित निको भएका छन्। यो सँगै देशभर निको हुनेको संख्या ९ लाख ९० हजार १४७ पुगेको छ। देशभर हाल ३८३ जना सक्रिय संक्रमित छन्।