इन्डियन प्रिमियर लिग : मुम्बई इन्डियन्स १४ रनले विजयी

काठमाडौं,६ वैशाख । इन्डियन प्रिमियर लिग (आईपीएल) क्रिकेटमा सराइजर्स हैदराबादलाई १४ रनले हराउँदै मुम्बई इन्डियन्सले लगातार तेस्रो जीत हासिल गरेको छ ।

मंगलबार राति भएको खेलमा मुम्बई इन्डियन्सले टस हारेर पहिला ब्याटिङ गर्दै ५ विकेटको क्षतीमा १९२ रन बनायो । मुम्बईका लागि ग्रीनले ४० बलमा ६४ रन जोडे । उनी बाहेक ईशान किशनले ३८ तथा तिलक वर्माले ३७ रन बनाए । बलिङतर्फ मार्को जानसेनले दुई विकेट लिए ।हैदराबादका लागि मार्को जानसेनले दुई विकेट लिए ।

जवाफी ब्याटिङ गरेको हैदराबादले १९.५ ओभरमा अल आउट हुँदै १ सय ७८ रन मात्र बनाउन  सफल भयो। हैदराबादका ओपनर मयंक अग्रवालले ४१ बलमा ४ चौका र १ छक्कासहित सर्वाधिक ४८ रन बनाएका थिए।यस्तै हेनरिक क्लासेनले ३६,कप्तान मार्करमले २२ रनको योगदान दिए । मुम्बईका लागि जेसन बेहरनडर्फ, रिने मेरेडिथ तथा पीयूष चावलाले समान दुई विकेट लिए ।