१७१ जना कोरोना संक्रमित थपिए,एकैदिन २ जनाको मृत्यु

काठमाडौं,५ वैशाख । पछिल्लो २४ घण्टामा थप १७१ जनामा कोरोना भाइरसको सङ्क्रमण पुष्टि भएको छ ।२ हजार २९२ वटा स्वाब नमुनाको परीक्षण गर्दा १७१ जनामा संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार ९८० जनाको पीसीआर परीक्षण गर्दा १०५ जना र एक हजार ३१२ जनाको एन्टिजेन परीक्षण गर्दा ६६ जनामा संक्रमण पुष्टि भएको हो ।

यस्तै,कोरोना भाइरसको संक्रमणबाट आज एकै दिन थप दुई जनाको मृत्यु भएको मन्त्रालयले जनाएको छ । यो सँगै नेपालमा कोरोना भाइरसको संक्रमणमा ज्यान गुमाउनेको कुल संख्या १२ हजार २२५ जना पुगेको छ ।

यस्तै, पछिल्लो २४ घण्टामा ८५ जना संक्रमित निको भएका छन् । हाल देशभर सक्रिय संक्रमितको संख्या ३९७ जना छ । सक्रिय सङ्क्रमितमध्ये २२ जना आइसोलेसन, ८ जना आईसीयू र ४ जना भेन्टिलेटरमा रहेको मन्त्रालयले जनाएको छ ।