एसीसी प्रिमियर कप : मलेसियामाथि नेपालको शानदार जित

काठमाडौं,५ वैशाख । एसीसी प्रिमियर कपमा आयोजक नेपालले पाहुना टोली मलेसियामाथि शानदार जित हात पारेको छ। टीयू क्रिकेट मैदानमा आजदेखि सुरु भएको खेलमा नेपाल ६ विकेटले विजयी भयो ।

त्रिभुवन विश्वविद्यालयको कीर्तिपुर मैदानमा भएको खेलमा टस जितेर पहिले ब्याटिङ गरेको मलेसियाले निर्धारित ५० ओभरमा ९ विकेट गुमाएर २३५ रन बनायो । मलेसियाका लागि कप्तान अहमद फैजले ७६ रन जोडे । यस्तै विरनदीप सिंहले ४६ रन,खिजर हायातले २२,तथा सयाजरुल इद्रुसले २१ रन बनाए ।

नेपालका लागि सोमपाल कामी र सन्दीप लामिछानेले ३–३ विकेट लिए । त्यस्तै ललित राजवंशीले २ तथा गुल्सन झाले १ विकेट लिए ।

जवाफि ब्याटिङ गरेको नेपालले ३६.२ ओभरमै ४ विकेटको क्षतिमा पूरा गर्यो । नेपालका लागि भीम सार्कीले ९८ बलमा ७१ रन जोडे कुशलले भने ४० बलमा अविजित रहँदै ७० रन जोडे ।

यस्तै कप्तान रोहित पौडेलले ४३ बलमा ४२ तथा कुशल भुर्तेलले ३१ बलमा ३८ रन बनाए । आसिफ शेख भने १ रनमा आउट भए ।  दिपेन्द्र सिंह ऐरीले ५ रन बनाएर अविजित रहे ।