इन्डियन प्रिमियर लिग : कोलकत्ता र हैदरवाद भिड्दै

काठमाडौं,१ वैशाख । इन्डियन प्रिमियर लिग (आईपीएल) अन्तर्गत आज शुक्रबार कोलकत्ता नाइट राईडर्स र सनराईजर्स हैदरावाद भिड्दैछन् ।यी दुई टोलीबीचको खेल राति ७ः४५ देखि कोलकातास्थित इडेन गार्डेन मैदानमा सुरु हुनेछ ।

कोलकत्ता आज तेस्रो जित निकाल्ने योजनामा रहेको छ । कोलकत्ता ३ खेलमा दुईमा जित र एकमा हार सहित ४ अंक जोडेर चौंथो स्थानमा रहेको छ ।

यस्तै हैदराबाद दोस्रो जितको खोजीमा छ । उसले अघिल्लो खेलमा पञ्जाब किंग्सविरुद्ध ८ विकेटको फराकिलो जित निकालेको थियो ।यि दुई टोलीबीचको पछिल्लो पाँच भेटमा कोलकत्ता बलियो देखिएको छ । कोलकत्ताले ४ जित निकाल्दा हैदरावादले मात्र १ जित निकालेको छ । यस सिजनमा भने यि दुई टोलीको पहिलो भेट हो ।