आमा लागुऔषध मुद्दामा जेल, छोरी ब्राउन सुगरसहित पक्राउ

झापा,३० चैत । झापाको धाईजन चोकमा एक युवती लागुऔषध ब्राउनसुगर सहित पक्राउ परेकी छन् ।

बुधबार बेलुका ५:०० बजे प्रहरी चौकी चारआलीबाट खटिएको प्रहरी टोलीले मेचिनगर नगरपालिका-१३ धाईजन चोकबाट बर्ष २० की अनुजा राजबंशीलाई पक्राउ गरेको हो ।

अनुजाको आमा भारती राजवंशी पाँच महिनादेखि लागुऔषध सम्बन्धी मुद्धामा झापा कारागारमा सजाय भुक्तान गरिरहेकी छन् ।

धाईजन चोक स्थित बिभिन्न सवारी साधनहरु चेकजाँच गर्ने क्रममा राजवंशीको साथबाट लागुऔषध ब्राउन सुगर ९ ग्राम फेला परेकोले उनलाई नियन्त्रणमा लिई ईलाका प्रहरी कार्यालय धुलाबारी झापामा राखी थप अनुसन्धान कार्य भईरहेको जिल्ला प्रहरी कार्यालय झापाका प्रवक्ता प्रहरी नायव उपरीक्षक खगेन्द्र प्रसाद रिजालले बताए ।