इण्डियन प्रिमियर लिग : लखउनको रोमाञ्चक जित

काठमाडौं,२८ चैत । इण्डियन प्रिमियर लिग (आइपिएल) अन्तर्गत गएराति सम्पन्न खेलमा रोयल च्यालेन्जर्स बैंगलोरमाथि १ विकेटको रोमाञ्चक जित निकाल्दै लखनउ सुपर जायन्ट्स इन्डियन प्रमिमियर लिगको शीर्ष स्थानमा उक्लिएको छ।

बैंगलोरको घरेलु मैदान चिन्नास्वामी स्टेडियममा टस हारेर व्याटिङको निम्तो पाएको बैंगलोरले २ विकेटको क्षतिमा २१२ रन बनाएको थियो। बैंगलोरका लागि कप्तान फाप डु प्लेसिस सर्वाधिक ७९ रन बनाएर अविजित रहे। विराट कोहली ६१ रन बनाएर आउट हुँदा ग्लेन म्याक्सवेलले ५९ रन बनाए। दिनेश कार्तिक १ रनमा अविजित रहे। लखनउका लागि मार्क वुड र अमित मिश्राले  एक/एक विकेट लिन सफल भए ।

जवाफि व्याटिङमा उत्रिएको लखनउले निर्धारित २० ओभरमा ९ विकेट गुमाएर लक्ष्य भेट्टायो ।  खराब सुरुवात गरेको लखनउले २३ रनमा ३ विकेट गुमाएको थियो।ओपन कायल मेयर्स शुन्यमा आउट भए भने कप्तान केएल राहुल १८ रन बनाएर पेभेलियन फर्किए। सुरुमै धर्मराएको लखनउको इनिङ्स मार्कस स्टोनिसले सम्हाले उनले ३० बलमा ६५ रन बनाए।यस्तै, निकोलस पुरनले १९ बलमा ६२ रन र आयुस बडोनीले ३० रन बनाए। बैंगलोरका मोहम्मद सिराज र वायन परनेलले ३–३ विकेट लिए। यस्तै, हर्सल पटेलले २ र कर्ण शर्माले १ विकेट लिए।

जितसँगै लखनउ अंक तालिकाको शीर्ष स्थानमा उक्लिएको छ ।