इण्डियन प्रिमियर लिग : कोलकाता ३ विकेटले विजयी

काठमाडौं,२६ चैत । इण्डियन प्रिमियर लिग (आइपिएल) अन्तर्गत गुजरात टाइटन्सविरुद्ध कोलकाता नाइट राइडर्सले ३ विकेटको रोमाञ्चक जित निकालेको छ । ​गुजरातले दिएको २ सय ५ रनको लक्ष्य कोलकाताले अन्तिम बलमा ८ विकेट गुमाएर भेट्टायो ।

नरेन्द्र मोदी स्टेडियम अहमदाबादमा भएको खेलमा टस जितेर ब्याटिङ रोजेको गुजरातले निर्धारित २० ओभरमा ४ विकेट गुमाएर २ सय ४ रन बनायो । गुजरात का लागि विजय शंकर र साई सुदर्शनले अर्धशतकीय पारी खेले । २४ बलको सामना गरेका विजयले ५ छक्का र ४ चौकासहित अविजित ६३ रन बनाए ।त्यस्तै, सुदर्शनले ५३ रन,शुभमन गिलले ३९, ऋद्धिमान साहले १७ र अभिनव मनोहरले १४ रन जोडे । कोलकाताका लागि सुनील नारायणले तीन र सुयष शर्माले एक विकेट लिए ।

गुजरात टाइटन्सले जितका लागि दिएको २०५ रनको लक्ष्य पछ्याएको कोलकाताले १९.५ ओभरमा ७ विकेटको क्षतिमा पूरा गरेको हो । रिकुंले अन्तिम ओभरमा ५ वटा छक्का प्रहार गरेपछि खेल कोलकाताले  जितेको हो । उनी २१ बलमा ४८ रनमा अविजित रहे । साथै वेन्कटेशले सर्वाधिक ८३ रन जोड्दा कप्तान नितिश रानाले ४५ रन बनाए ।  गुजरातका कप्तान राशिद खानले ३ विकेट लिए ।  नियमित कप्तान हार्दिक पान्ड्या आजको खेलमा थिएनन् ।