काठमाण्डाै,२५ चैत । पछिल्लो २४ घण्टामा देशभर ९९ जनामा कोरोना भाइरसकाे सङ्क्रमण पुष्टि भएको छ । एक हजार छ सय ३५ नमुनामध्ये एक सय ७७ जनाको पीसीआर परीक्षण गर्दा ४१ र एक हजार चार सय ५८ जनाको एन्टिजेन परीक्षण गर्दा ५८ गरी ९९ जनामा सङ्क्रमण देखिएको स्वास्थ्य मन्त्रालयले जनाएको छ ।
यही अवधिमा थप २६ जना सङ्क्रमित निको भएका छन् । हाल देशभर कोरोनाका ३७३ जना सक्रिय संक्रमित रहेका छन् ।चारजना आइसियूमा र एकजना भेन्टिलेटरमा उपचाररत रहेका स्वास्थ्य मन्त्रालयले जनाएको छ । कोरोना संक्रमितको संख्या बढ्दै जाँदा सरकारले खोप लगाउन अनुरोध गरेको छ ।
![Khabar_Chitwan[1]](https://khabarchitwan.com/wp-content/uploads/elementor/thumbs/Khabar_Chitwan1-q32yg33ry1w93hxhgrek6ezhfe8djapkiva3mjsb32.png "Khabar_Chitwan[1]")
Discussion about this post