इन्डियन प्रिमियर लिग : राजस्थान ५७ रनले विजयी

काठमाण्डाै,२५ चैत । इन्डियन प्रिमियर लिग (आईपीएल) क्रिकेटमा राजस्थान रोयल्सले दिल्ली क्यापिटल्सलाई ५७ रनले हराएको छ ।जारी इन्डियन प्रिमियर लिग आईपीएलको १६औं संस्करणमा दिल्ली क्यापिटल्सको यो लगातार तेस्रो हार हो ।

गुवाहिटीमा भएको खेलमा पहिला ब्याटिङमा उत्रिएको राजस्थानले यशस्वी जैसवाल र जोस बट्लरको शानदार पारीको मद्दतले ४ विकेटको क्षतिमा १ सय ९९ रन बनाएको थियो । बटलरले ७९ तथा जैसवालले ६० रन बनाए । यसैगरी सिमरोन हेटमायरले ३९ को योगदान दिए । दिल्लीका लागि मुकेश कुमारले २ विकेट लिए ।

राजस्थानले दिएको १ सय ९९ रनको लक्ष्य पछ्याएको दिल्लीले ९ विकेट गुमाएर १ सय ४२ रन मात्रै बनायो ।दिल्लीका लागि  डेविड वार्नरले ६५ र ललित यादवले ३८ रन बनाए । राजस्थानका ट्रेन्ट बोल्टले ३ विकेट लिए ।

राजस्थान ४ अंकसहित शीर्ष स्थानमा छ भने तीन खेलमा खाता खोल्न नसकेको दिल्ली पुछारबाट दोस्रो स्थानमा छ ।