काठमाण्डाै,२५ चैत । इण्डियन प्रिमियर लिग (आइपिएल) अन्तर्गत लखनउ सुपरजाइन्टले सनराइजर्स हैदरावादलाई ५ विकेटले पराजित गरेको छ । लखनउस्थित अटल बिहारी बाजपेयी स्टेडियममा सम्पन्न खेलमा सनराइजर्सले दिएको १२२ रनको लक्ष्य पछाएको लखनउले १६ ओभरमा ५ विकेट गुमाउदै लक्ष्य पुरा गरेको थियो ।
टस जितेर ब्याटिङमा उत्रिएको हैदराबादले निर्धारित २० ओभरमा ८ विकेट गुमाएर १२१ रन बनाएको थियो । हैदराबादका लागि राहुल त्रिपाठीले सर्वाधिक ३४ रन बनाउँदा ओपनर अनमोलप्रीत सिंहले ३१ रन बनाए। त्यस्तै अब्दुल समद २१ रनमा अविजित रहँदा वासिंटन सुन्दरले १६ रन बनाए। लखनउका क्रुणाल पाण्ड्याले ३ विकेट लिँदा अमित मिश्राले २ तथा यश ठाकुर र रवि विश्नोइले समान १ विकेट लिए।
जवाफी ब्याटिङमा उत्रिएको लखनउका लागि कप्तान केएल राहुलले ३५ रन बनाए भने क्रुनाल पाण्डेयले ३४ रन बनाएका थिए । त्यस्तै कील मायेर्सले १३ रन बनाएका थिए भने मार्कस स्टोइनिशले अविजित १० र निकोलस पुरनले अविजित ११ रन बनाएका थिए । हैदरावादका आदिल रसिदले २ विकेट लिए । भुवनेश्वर कुमार, उमरान मलिक र फजलहक फारुकीले एक-एक विकेट लिए ।
Discussion about this post