इन्डियन प्रिमियर लिग : पन्जाब किंग्सको लगातार दोस्रो जित

काठमाण्डाै,२३ चैत । इन्डियन प्रिमियर लिग (आईपीएल) क्रिकेटमा पन्जाब किंग्सले लगातार दोस्रो जित निकालेको छ । गएराति सम्पन्न खेलमा पन्जाबले राजस्थान रोयल्सलाई ५ रनले हराएको हो ।

गुवाहाटीस्थित बार्सपारा स्टेडियमा टस हारेर ब्याटिङको मौका पाएको पञ्जाबले निर्धारित २० ओभरमा ४ विकेट गुमाएर १ सय ९७ रन बनायो । पन्जाबका कप्तान शिखर धवन सर्वाधिक ८६ रनमा अविजित रहे । त्यस्तै प्रभसिमरन सिंह ६० रनमा आउट भए । सिंहको आईपीएल क्रिकेटमा यो पहिलो अर्धशतक हो । राजस्थानका जेसन होल्डरले २ विकेट लिए । रविचन्द्रन आश्विन र युजभेन्द्र चहलले एक÷एक विकेट लिए ।

जबाफि ब्याटिङमा उत्रिएको राजस्थानले निर्धारित २० ओाभरमा ७ विकेट गुमाएर १ सय ९२ रन मात्र बनायो । कप्तान सञ्जु सामसनले ४२, शिमरोन हेटमायरले ३६, ध्रुव जुरेलले अविजित ३२, देवदत्त पाडिक्कलले २१, रियान परागले २०, जोस बटलरले १९ र यशस्वी जैसवालले ११ रन बनाए । पञ्जाबका लागि नाथन एलिसले चार र अर्शदीप सिंहले दुई विकेट लिए ।