इण्डियन प्रिमियर लिग : चेन्नइ १२ रनले विजयी

काठमाडौं,२१ चैत । इण्डियन प्रिमियर लिग (आईपीएल) अन्तर्गत हिजो सम्पन्न खेलमा चेन्नइ सुपर किंग्सले लखनउ सुपर जायन्टमाथि जित निकालेको छ। चेन्नइस्थित एमए चिदम्बरम स्टेडियममा सम्पन्न खेलमा चेन्नइले लखनउमाथि १२ रनको जित निकालेको हो।

टस हारेर ब्याटिङमा उत्रिएको चेन्नइले निर्धारित २० ओभरमा ७ विकेट गुमाउँदै २१७ रन बनाएको थियो। जवाफी ब्याटिङमा उत्रिएको लखनउ २०५ रनमा समेटियो।

चेन्नइका लागि रुतुराज गाइक्वडले अर्धशतकीय पारि खेल्दै सर्वाधिक ५७ रन बनाउँदा डेभोन कोन्वेल ४७ रन बनाए। त्यस्तै शिवम दुबे र अम्बाती रायडूले २७ रन बनाउँदा मोइन अलीले १९ रन बनाए।

बलिङतर्फ मार्क वुड र रवि विश्नोइले समान ३ विकेट लिँदा आभेष खानले १ विकेट लिए।

जवाफी ब्याटिङमा उत्रिएको लखनउका ‌ओपनरद्वय केएल राहुल र केल मेयर्सले ७९ रनको साझेदारी गर्दै उत्कृष्ट सुरुवात गरेका थिए। कप्तान राहुलले २० रन बनाउँदा मेयेर्सले आक्रामक ब्याटिङ गर्दै २२ बलमा ५३ रन बनाए। त्यस्तै निकोलस पुरनले ३२ रन बनाउँदा आयुस बडोनीले २३ रन बनाए।

बलिङतर्फ चेन्नइका मोइन अलीले सर्वाधिक ४ विकेट लिँदा तुसार देशपाण्डेले २ तथा मिचेल स्यान्टनरले १ विकेट लिए।