देशको सबैभन्दा ठूलो लोकतान्त्रिक पार्टीको रुपमा रास्वपा उदाउनेछ : रवि लामिछाने

काठमाडौं,१८ चैत । राष्ट्रिय स्वतन्त्र पार्टीका सभापति रवि लामिछानेले आफूहरु देशको सबैभन्दा ठूलो लोकतान्त्रिक पार्टीको रुपमा उदाउने दाबी गरेका छन्।

शनिबार पत्रकार सम्मेलनमा बोल्दै सभापति लामिछानेले रास्वपा चाँडै नै सबैभन्दा ठूलो लोकतान्त्रिक पार्टीको रुपमा उदाउने बताएका हुन्।

‘रास्वपा देशको सबैभन्दा ठूलो र लोकतान्त्रिक पार्टी भएर चाँडै नै खडा हुन्छ। यो संकेतको जनाउ घण्टी मात्रै हो,’ उनले भने।

यस्तै रास्वपाका तर्फबाट तनहुँ क्षेत्र नम्बर १ का उम्मेदवार डा. स्वर्णिम वाग्लेले अब रास्वपा नछाड्ने बताएका छन् ।वाग्लेले आफूले कदाचित चुनाव हारेपनि रास्वपा नछाड्ने बताएका हुन् ।

‘म रास्वपाको साधारण सदस्य भएर आएको हुँ । म फेरि नेपाली कांग्रेसमा फर्किन्न । मेरो पछाडि फर्किने बानी छैन । गण्डकी प्रदेशको पानी खाएको छु,’ उनले भने ।