४२ लाखको लागतमा गुन्जनगर ग्रीन पार्क बन्ने,भरतपुर प्रमुख दाहालद्वारा शिलन्यास

 महेन्द्र महतो गुन्जनगर,१७ चैत । भरतपुर महानगरपालिका वडा न.१८ मा रहेको हाटबजार नजिकैको जग्गामा आज एक कार्यक्रमका बिच गुन्जनगर ग्रीन पार्कको शिलन्यास गरिएको छ।

भरतपुर महानगरपालिका प्रमुख रेनु दाहाल र वडा न.१८ का वडाअध्यक्ष बाबुराम रानाको सयुक्त उपस्थितिमा ग्रीन पार्कको शिलन्यास भएको हो ।

कार्यक्रममा बोल्नुहुदै प्रमुख दाहालले वडाअध्यक्ष को पहलमा र महानगरका साथीहरूको तत्परतामा ४२ लाखको बजेट निकासी भएर ग्रीन पार्क बन्न लागेको बताउनु भयो र पार्क २०८१ साल सम्म निर्माण गरिसक्ने लक्ष्य राखिएको पनि बताउनु भयो।

यस्तै भरतपुर महानगरपालिका वडा न. १९ र २० को सिमानामा रहेको रानीपोखरी पार्क(बाटो र बाध) सहित, वडा न.६ मा रहेको लक्ष्मी नारायण पार्क र मन्दिर १०/१० करोड को लागतमा र वडा न. २४ मा देवीस्थान पार्क,वडा न. २७ र १२ मा राइनो पार्क निर्माण हुन लागेको बताउनु भयो। एक वडा एक पार्क बनाउने महानगरको नीति रहेको जानकारी दिनु भयो ।

यस्तै कार्यक्रममा बोल्दै वडाअध्यक्ष बाबुराम रानाले आफुले बर्षै देखि देखेको सपना आज आएर ग्रीन पार्कको शिलन्यास गर्न पाउदा आफू र आफ्नो वडाले निकै गर्व गरेको बताउनु भयो ।

वडामा निर्माण हुन बाकी सडकको स्तोरउन्नती, किसान लाई लक्षित गरेर निर्माण गर्न लागिएको डिपबाेरिङको काम र विशेष महिलारुपी कार्यक्रमहरु वडाले गर्ने र यसमा महानगरले सहजीकरण गरिदिन प्रमुख दाहाललाई वडाअध्यक्षले आग्रह गर्नु भयो ।

कार्यक्रममा वडा सदस्य दिलु गजमेरले स्वागत मतब्य राख्नु भएको थियो भने जिल्ला समन्वय समितिका सदस्य कृष्ण भक्त भट्टराई र वडा सदस्य लक्ष्मी अधिकारीले शुभकामना मतब्य राख्नुभएको थियो ।

प्रमुख अतिथि भरतपुर महानगरपालिका कि प्रमुख रेनु दाहाल रहेको कार्यक्रमको सभाअध्यक्ष भरतपुर महानगरपालिका वडा न.१८ का वडाअध्यक्ष बाबुराम रानाले गर्नु भएको थियो भने कार्यक्रममा समाजसेवी बिष्णु ढकाल लगायत वडा प्रतिनिधि,टाेल विकास समितिका प्रतिनिधि,विभिन्न आमा समुहहरु लगायतको उपस्थिति रहेको कार्यक्रमलाई वडा सचिब पुर्ण गुरुङले सहजीकरण गर्नुभएको थियो ।

यस्तै प्रमुख दाहालले आज नै गुन्जनगरमा रहेको श्री परमानन्द स्मृति वैदिक विद्याभवन गुरुकुल को अवलोकन गर्नु भएको थियो ।