१६ औँ संस्करणको आइपिएल आजदेखि,गुजरात र चेन्नई भिड्दै

काठमाडौँ,१७ चैत । १६ औँ संस्करणको इण्डियन प्रिमियर लिग (आइपिएल) टी–२० क्रिकेट आजदेखि सुरु हुँदैछ । लिगको उद्घाटन खेलमा गत संस्करण च्याम्पियन गुजरात टाइटन्स र चारपटकको विजेता चेन्नई सुपर किंग्स प्रतिस्पर्धा गर्नेछन् ।  उद्घाटन समारोह साँझ नेपाली समयअनुसार सवा ६ बजे अहमदाबादको नरेन्द्र मोदी स्टेडियममा शुरू हुनेछ ।

यी दुई टोलीबीचको खेल राति ७ः४५ देखि सुरु हुनेछ । लिगमा दुवै टोली जितका साथ सुरुवात गर्न चाहन्छन् । यसपटक पनि गुजरातको नेतृत्व हार्दिक पाण्ड्याले गर्दैछन् । त्यस्तै, चेन्नईले महेन्द्र सिंह धोनीलाई कप्तानमा निरन्तरता दिएको छ ।

४ वर्षपछि आईपीएलको उद्घाटन समारोह हुँदैछ ।