सेन्ट्रल कलेज रड्स रामपुर र नगर प्रहरि सेमिफाइनल प्रवेश

शारदानगर​​​​​​​,१६ चैत । भरतपुर महानगरपालिका-१९ मा रहेको प्रस्तावित बखान मिनि रंगशाला,शारदानगर खेलमैदानमा जारी प्रथम बखान च्याम्पियन कपको पहिलो चरणको खेलहरु आजदेखी सम्पन्न भएको छ।

च्याम्पियन कपको दोस्रो चरणको पहिलो खेलमा सेन्ट्रल कलेज रामपुर फुटबल क्ल्व रड्सले १ गोल गरि चारपाते युवा समाज भरतपुर-१६ को टोलिलाइ प्रतियोगिताबाट पाखा लगाएको हो। युवा तथा खेलकुद बिकास समिती,भरतपुर-१९ र शारदानगर भुतपुर्व सैनिक कल्याणकारी सस्था भरतपुर-१९ को आयोजनामा भएको प्रतियोगिता चैत्र २० गते सम्म संचालन हुने छ। खेल अवधीभर उत्कृष्ट खेल प्रदर्शन गरेका रामपुर रड्सका बिक्की चाम्लिङ राइ खेलको प्येयर अफ दि म्यात्च चुनिए।

प्रतियोगिताको दोस्रो चरणको दोस्रो खेलमा भने नगर प्रहरी,भरतपुर महानगरपालिकाले १-१ गोलको बराबरि गर्दै युवा तथा खेलकुद विकास समिती भरतपुर-१९ लाई (सडन डेथ) पेनाल्टी सुटआउट थपमा ७-६ गरि टोलिलाइ प्रतियोगिताबाट पाखा लगाएको हो। खेल अवधिभरी उत्कृष्ट खेल प्रदर्शन गरेका भरतपुर-१९ का गोलरक्षक सन्दिप तामाङ खेलको प्ल्येयर अफ दि म्यात्च चुनिन सफल रहे।

प्रतियोगिताको च्याम्पियन हुने टोलिले नगद रु.१ लाख ११ हजार १ सय ११ सहित ट्रफी मेडल प्रमाणपत्र पाउने छ्न भने उपबिजेता टोलि नगद रु.५५ हजार ५ सय ५५ सहित मेडल र प्रमाणपत्र मात्र पाउने छन्। १७ गते प्रतियोगिताको अन्तिम एक मात्र क्वाटरफाइनल खेल हुने छ।