Advertise here

नयाँ वर्षको पहिलो दिन काठमाडौंको टुँडिखेलमा ‘ओशो महोत्सव’

खबर चितवन

खबर चितवन

काठमाडौं,१६ चैत । नेपाली नयाँ वर्षलाई फरक ढंगबाट स्वागत गर्दै गत वर्ष वैशाख १ गते १५ हजार भन्दा बढीको उपस्थितमा काठमाडौंको टुँडिखेलमा एकसाथ ध्यान र उत्सव गरी ओशो तपोवनको सहकार्यमा ओम नेपाल मिडियाले सेलिब्रेशन शीर्षकको कार्यक्रम आयोजना गरेको थियो ।

गत वर्षको उक्त कार्यक्रमबाट प्राप्त उत्साह तथा सकारात्मक सन्देशसंगै यो वर्षको नयाँ वर्षको पहिलो दिन अर्थात वैशाख १ गते शुक्रवार सोही कार्यक्रमको दोस्रो संस्करण ‘ओशो महोत्सव’ काठमाडौंको टुँडिखेलमा आयोजना गर्न लागिएको छ ।

बुधवार ओशा तपोवनमा आयोजित पत्रकार सम्मेलनमा ओशो महोत्सव ओशो तपोवनको प्रस्तुतिमा आयोजना हुन लागेको जानकारी गराइएको छ । यसको आयोजना ओम नेपाल मिडियाले गर्नेछ ।

वैशाख १ गते बिहान ९ बजेदेखि राति ९ बजेसम्म १२ घण्टासम्म सञ्चालन हुने महोत्सवमा सबै वर्ग, उमेर, समुदाय, जातजाति, धर्म र संस्कृतिका व्यक्तिहरुलाई सुहाउने विविध प्रकारका कार्यक्रमहरु रहने बताइएको छ ।

‘यस पटक ओशो महोत्सव संगीतको महोत्सव हुनेछ, पत्रकार सम्मेलनमा जारी विज्ञप्तीमा भनिएको छ– ‘ओशो महोत्सव ध्यान र साधनाको महोत्सव हुनेछ । ओशो महोत्सव अध्ययनको महोत्सव हुनेछ । ओशो महोत्सव स्वाद र हाँस्यको महोत्सव हुनेछ । किनकी एक दिने ओशो महोत्सव ध्यान, मेडिटेशन, योगा, गायन, नृत्य, लाईभ म्युजिक, लाफिङ्ग मेडिटेशन, प्रत्यक्ष दोहोरी, पुस्तक प्रदर्शन, फुड फेस्टिभल, गजल वाचन र प्रहशनलगायतको संगालो समारोह हुनेछ ।’

ओशो महोत्सवको मुख्य कार्यक्रम साँझ ५ बजेदेखि प्रारम्भ हुनेछ । साँझ ५० हजार व्यक्तिले एकसाथ ध्यान र उत्सव गर्नेछन् । देशका विशिष्ट व्यक्तिहरुको उपस्थितिमा हुने यो सत्रमा बोधिसत्य स्वामी आनन्द अरुणबाट विशेष संत्सग र आशिर्वाद प्रदान हुनेछ । यही कार्यक्रममा अन्तरराष्ट्रियस्तरका नृत्य, संगीत र हाँस्य पनि प्रस्तुत हुनेछ ।

सांगीतिक समूह कुटुम्बले यही समयमा आफ्नो विशेष प्रस्तुति दिनेछ । यसपटक कुटुम्बले अहिलेसम्म नगरेको नयाँ प्रयोगहरु समेत गर्नेछ, जुन एेतिहासिक हुने दावी गरिएको छ ।

ओशो महोत्सवमा हुने फुड फेस्टिवलको संयोजन अन्तर्राष्ट्रिय ख्याति प्राप्त सेफ सन्तोष शाहले गर्नेछन् । उनका केही नयाँ परिकारहरुको स्वाद महोत्सवमा लिन सकिनेछ ।

शारीरिक तथा मानसिक तनाव, हताशा र विशादको कारणले दिननुदिन बिग्रँदै गएको हाम्रो स्वास्थ्यप्रति जागरुक रहन र नेपाली समाजलाई योग र साधनाका निरापद माध्यमबाट जोडी एक समृद्ध मनुष्य निर्माणमा यो महोत्सवले अहम् भूमिका खेल्न सक्ने बताइएको छ ।

आफ्नो व्यस्त जीवनशैलीमा ध्यान, योग र संत्सगलाई अपनाउँदै कसरी खुशी जीवन जिउन सकिन्छ भन्ने कला महोत्सवमा सिक्न पाईने छ ।

महोत्सवमा उच्च सरकारी पदाधिकारी, जनप्रतिनिधि, राजनीतिक दलका नेताहरु, विशिष्ट व्यक्तित्वहरु, दर्जनौ कलाकार, संचारकर्मी, स्वदेशी तथा विदेशी ओशो प्रेमी र दर्शकहरु सहभागी हुने आयोजकको भनाइ छ ।

ओशो महोत्सवको महोत्सव पार्टनरको रुपमा ग्लोबल टुरीजम प्रमोशन काउन्सिल रहेको छ । महोत्सवको मिडिया संयोजनको रुपमा चलचित्र पत्रकार संघ नेपालले ओशो तपोवनका प्रवक्ता निराजन भण्डारीले बताएका छन् ।

Related Posts

यो खबर पढेर तपाईलाई कस्तो महसुस भयो ?
Array
शेयर गर्नुहोस:

Discussion about this post

ताजा समाचार
‘बाई बाई सुगर’को भर पर्दा सास्ती पाएपछि गण्डकी प्रदेशका पूर्वमन्त्री सिआइबीको शरणमा

‘बाई बाई सुगर’को भर पर्दा सास्ती पाएपछि गण्डकी प्रदेशका पूर्वमन्त्री सिआइबीको शरणमा

काठमाडौं । ‘मधुमेह चट’ हुने भन्दै हिजोआज सामाजिक सञ्जाल फेसबुकतिर भिडिओहरू प्रशस्त आउने गरेका छन्। विभिन्न कम्पनीका नाममा आयुर्वेदिक क्याप्सुल,...

महिला एशिया कपमा नेपालको विजयी शुरुवात, युएईमाथि ६ विकेटको जित

महिला एशिया कपमा नेपालको विजयी शुरुवात, युएईमाथि ६ विकेटको जित

काठमाडौँ । नेपालले जारी महिला एशिया कपमा नेपालले विजयी शुरुवात गरेको छ । आज भएको उद्घाटन खेलमा नेपालले युएईलाई ६...

सिमलताल दुर्घटना: २३ शव फेला, १४ जनाको सनाखत

सिमलताल दुर्घटना: २३ शव फेला, १४ जनाको सनाखत

चितवन । नारायणगढ– मुग्लिन सडकको सिमलतालमा गत असार २८ गते पहिरोमा परी त्रिशूली नदीमा बेपत्ता भएका दुई बसका यात्रुमध्ये अहिलेसम्म...