नेकपा एमाले सिंहको बच्चा हो,कोहीसँग डराउँदैन : अध्यक्ष ओली

काठमाडौं,१३ चैत । नेकपा एमाले अध्यक्ष केपी शर्मा ओलीले एमाले पार्टी सिंहको बच्चा भएको बताउँदै कोहीसँग नडराउने बताएका छन् ।अर्घाखाँचीमा आयोजित मिशन ग्रासरुट अभियानलाई सम्बोधन गर्दै उनले अमरसिंह थापाको भनाइ पनि स्मरण गरे। ‘नेकपा एमाले सिनो खाने स्यालको बच्चा होइन। बाघको डमरु हो। एमाले सिनो खाने स्यालको बच्चा होइन। सिंहको बच्चा हो। शेरको बच्चा हो,’ उनले भने।

उनले एमाले एक्लैसँग ९ लाख बढी सदस्यता रहेको र विभिन्न जनवर्गीय संगठन समेत रहेको बताएका छन् । तर ती सबैमा खिया लागेको उनले बताए । ‘पार्टीमा कमरेडहरू खिया लागेको पाइयो । पार्टी भुत्ते भएको पाइयो । धार नभएको । खिया हटाएपछि मात्रै यो काम लाग्ने हुन्छ,’ उनले भने । उनले घोडा नकुदाए कुद्न बिर्सिने भन्दै भुत्ते लागेको पार्टीको खियाहरू हटाउनु पर्ने उनको भनाइ छ ।